Har taraf chahat ki aisi tasveer bana lain gey
Aa kar lipat jao gey ham sey aisa hal bana lain gey
Kantey to kia pathar bhi apni palkon say utha lain gey
Us waqt jab hamarey hath main apna hath dalo gey
Hairan reh jain gi sari klian bhanwron say ghabra kar
Jab ham tumhain zindagi keh kar sinay say laga gain gay
Muhabbat lafzon tak nahin ruuh tak kartey hain tumhain
Jitna jao gey dur utna hi pass pao gey hamain
Rastey lambey sahi, kathan sahi, dushwar sahi
Sabhi kuch pa lain gey jab apna bana lain gey tumhain
Bohat si baton ka dar hay rah chaltey huay hamain
Kahin jo thokar lagi to utha lo gey na hamain ?
Ye sochnay baithey to sadian hi beet jain gi
Kabhi bhi jo apna keh kar azmaooo gey hamain
Do din ki bat nahin ya zindagi bhar ka sath hay
Bhul jao gey ya muhabbat banao gey hamain
Har geet ko khud gao gey ham sunain gey tum sunao gey
Aisa bharain gey muhabbat ka rang chahton say zyada hamin chaho gey
Jab bhi koi puchay ga muhabbat ka hall tum say
Mukh pey lali ho gi or laaj sey bal khao gey
Har kisi ko nahin milti aisi muhabbat aisi chahat
Apny ap sey ya keh kar khushi say muskrao gey
Jab bhi dalo gey ik nazar payar sey ham par
Jheel si ankhon kay sumandar main dub gain gey
Phir kisay hay fikar dunya jo bhi kahey jo bhi karey
Jab apney hathon say muhabbat ko taqdeer bana lain gey
Woh jo jain gey kabhi kisi mehfil main ban-sanwar kar zee
Payar ka naam sun kar hamain agosh main chupa lain gey
Log puchain gey hairan ho kar simat aya hay un main kon
Ham dharkty dil sey tumhary, khud ik awaz nikalain gey
Sharma kar jab anchal ko woh labon main chupa lain gey
Khol dey gi sab dastan muhabbat ki apki ya sargoshian
Batain kehni thi jo *ZEE* woh to keh dali hain
Rat ho gai bohat *ZEE* ab neend ham par sawali hay
(My Property)
Zee~Shahzad*Jatt*
BAHAWALPUR