gaye dinon ki bahar ho tum

gaye dinon ki bahar ho tum
jo lut gaya wo qarar ho tum

jo meri nigahon peh cha gaya tha
wohi to pehla khumaar ho tum

junoo(n) k hotey, tarap k hotey
bikhar gaya jo woh piyar ho tum

meri aankhon mein basney wala
gehrey dukh ka ghubaar ho tum

pehli baar jis k taar charey
woh khubsurat sitaar ho tum

bey qarari k jungalon mein
meri wajah-e-qarar ho tum

paa ker hai jis ko mein ne khoya
woh mera pehla piyar ho tum

yaadain jis ki mere gham bhula dain
woh dukhon ki raah-e-faraar ho tum

sood-o-zayaan k is nagar mein
meri jeet, meri haar ho tum