Zakhm muskuratay hain ab bhi teri aahat per
Derd bhool jatay hain ab bhi teri aahat per
Shabnami sitaron mey phool khilnay lagtay hain
Chand muskurata hai ab bhi teri aahat per
Umar kaat di lakin buchpana nahi jata
Hum diya jalatay hain ab bhi teri aahat per
Ghantiyan si bujti hain ruks honay lagta hai
Derd jagmagatay hain ab bhi teri aahat per
Teri yaad aaye tow neend jaati rehti hai
Khaab toot jaatay hain ab bhi teri aahat per
Jo sitam keray aaker sab qabool hai dil ko
Hum khushi manatay hain ab bhi teri aahat per
Ab bhi teri aahat per chand muskurata hai
Khaab gungunatay hain ab bhi teri aahat per
Tere hijar mey hum per aik azaab tari hai
Chonk chonk jatay hain ab bhi teri aahat per
Dustakein sajanay ke muntazir nahi rehtay
Raastay sajatay hain ab bhi teri aahat per
Ab bhi teri aahat per aas laut aati hai
Hum diye jalatay hain ab bhi teri aahat per
