Tamam mushkilon aasaniyon say waqif hai

Tamam mushkilon aasaniyon say waqif hai
woh meri zaat ki perchaiyon say waqif hai

Bohat adhora hai mera wajod uskay bin
woh is wajod ki tanhayion say waqif hai

woh jis ko khatiray malhooz bhi nahi rakha
wooo shaks !!! ishq ki oochayion say waqif hai ?

wo janta hai tahay deed kitnay dariya hain
wo in tamaam ki gahrayion say waqif hai

woh janta hai main jaisa bhi hon usi ka hon
wo apnay ishq ki sacchayion say waqif hai

ramozay ishq wahi janta hai jo...SAAILL
bisatay ishq ki nakamiyon say waqif hai