Kuchh sawalo'n pe mushtamil ye zindagi thi meri
Thaa yaqee'n mujh ko milai'n gey wo jawaabaat sabhi
Milay jo saaray sawaalo'n k abb jawaab mujhay
Badal diyay hai'n Us nay mere sawaalaat sabhi
Zindagi bann k kisi aur ki phir rooth chalai'n
Kyaa ajabb Ishq sikhaay hai Kamaalaat sabhi
Abb to insaa'n ki tarah ye bhi qatal honay lagay
Qafal mai'n rakh k phiro apnay khayaalaat sabhi
Mai'n tamaashaa-e-zindagi banaa, lagaa majmaa
Do ghari ruk ke hai'n daikhai'n mere haalaat sabhi
Dil ke maidaan jo sar ker ke ab idher pohonchay
Kho gaee'n jaanay kahaa'n apni fatoohaat sabhi
Khaamshi kyu'n hai ye baazaar pe chhaaee Sajid
Phir se aaya hai koee baichnay jazbaat sabhi????