BrokeN Wishes
Junior Member
Number of posts : 40
Registration date : 2008-05-11
 | | Subject: usi ne aaj bataya mujhe k kon hoon main Thu May 29, 2008 6:22 pm | |
|
dinner pe aaj koi us sa aashna bhi na tha
wo is se pehlay agarchay kahin mila bhi na tha
mujhe na jaanay wo seenay se kiun lagaaye phiray
main koi gul bhi na tha moj e hawa bhi na tha
usi ne aaj bataya mujhe k kon hoon main
wo jis ko aaj se pehlay main jaanta bhi na tha
kahan hoon kiun hoon har ik saans poochti hay mujhe
kabhi main apne sawaalon main yoon ghiraa bhi na tha
kisi ki mayz pe hi reh gaii,najaanay kiun?
wo diary k abhi jis pe kuch likha bhi na tha
tamaam sheher sadaaon k ik bhanwar main hay
mera makaan kabhi aise ddoltaa bhi na tha
wo jis ki dhun main hum itwaar ko bhi ghar na rahe
mila to apni taraf "Saki" dekhta bhi na tha
| |
|
