meri hemrkaab hain wehshatain,meri wehshatoon ko qaraar day
mujhe meher-o-maah say kia gharz ,mujhe bheek main mera yaar day
kayee din se dil yeh dukha nahi, koi shair maine kaha nahi
meray haal per bhi nigah ker, kissi kaifiyat se guzaar day
main hazaar bujhta dayar hoon,sar-e-dasht main bhi jala rahoon
meri shaakh-e-ghum ko nehaal ker, nayee konpalon ko bahar day
kayee din se koocha-e-zaat main kissi dasht-e-ghum ka paraao
koi shaam mujh main kayaam ker,meray rang roop nikhaar day
main shikast-e-zaat ki had main hoon, kissi sard raat ki zad main
hoon
mujhe imtehaan se guzaar day,koi meher mujh main utaar day
teri rehguzar main hoon khaimazan,hai badan pe hijr ka pairahan
jo guzar so guzar gayee,meri baki umer sunwaar day
jahan arsh-o-farsh hain ba-adab, issi dar pe ja ke sawaal ker
wohi noor bhakhshay hai khaak ko wohi aaiyenay ko ghubaar day.....
